Ақтөбеде баланың үстіне футбол қақпасы құлады

Ақтөбе қаласындағы аулада баланың үстіне футбол қақпасы құлаған. Бұл факт полицияда тіркелген, деп хабарлайды KAZ.NUR.KZ.

Оқыс оқиға туралы мәлімет Instagram-дағы жергілікті aktobe_zello парақшасында жарияланды. Хабарламада оқиға орнында түсірілген кадрлар қоса берілген.

Кадарлардан дәрігерлердің балаға көмек көрсетіп жатқанын байқауға болады.

Сондай-ақ хабарламада оқиғаның қаладағы 12-шағын ауданында болғаны, қақпаның бекітілмегені айтылған.

Оқиғаға қатысты Ақтөбе облысының полиция департаменті түсініктеме берді.

"Бұл факт ҚР ҚК-нің 306-бабы бойынша тіркелді. Футбол алаңын салу және күтіп ұстау жұмыстарына қатысты мән-жай Ақтөбе әкімдігінің Тұрғын үй-коммуналдық шаруашылық бөлімі арқылы анықталып жатыр", - деп мәлімдеді ведомство.

Мәтіннен қате тапсаңыз, бізге жазыңыз