Алматыда жоспарлы оқу-жаттығу кезінде жарылыс болған: полиция мәлімдеме жасады

Алматыда оқу-жаттығу кезінде шулы жарық гранатасы уақытынан бұрын жарылып кеткен. Зардап шеккен қызметкерлерге медициналық көмек көрсетілді, деп хабарлады полицияға сілтеме жасаған KAZ.NUR.KZ.

Алматы полиция департаменті өкілдері желіде оқу-жаттығулар кезінде болған жайтқа қатысты тарап жатқан хабарламаларға түсініктеме берді.

Ведомство деректеріне сай, жоспарланған шаралар барысында шулы жарық қол гранатасы алдын ала жарылған.

Оқиға орнында бөлімшелер қызметкерлері болған. Оларға тиісті медициналық көмек көрсетілген. Қазіргі таңда аталған дерек бойынша қызметтік тексеріс жасалып жатыр. Мамандар техникалық жайттың барлық мән-жайын анықтауда.

Сонымен бірге полициядағылар жекелеген дереккөздерде жарияланып жатқан ақпараттарға да қатысты пікір білдірді. Ведомство дерегінше, қызметкерлердің көптеген жарақат алғаны және олардың ауыр жағдайда жатқаны туралы ақпарат шындыққа жанаспайды.

"Қызметкерлер көптеген жарақат алып, ауыр жағдайда жатқаны туралы ақпарат жалған",-деді Алматы ПД өкілдері.

Мәтіннен қате тапсаңыз, бізге жазыңыз