Алматы - Ташкент автожолында қозғалтқыш майы тиелген жүк көлігі аударылып, отқа оранды (видео)

Жамбыл облысы "Алматы-Ташкент" автожолының 560 шақырымында, Нұрлыкент ауылының маңында жол-көлік оқиғасынан кейін жүк көлігі өртенді, деп хабарлайды KAZ.NUR.KZ ТЖМ баспасөз қызметіне сілтеме жасап.

ТЖМ мәліметінше, жүк көлігі қозғалтқыш майын тасымалдап бара жатқан. Жол-көлік оқиғасы салдарынан жүк көлігі аударылып, көлік пен төгілген жанар-жағармай материалдары отқа оранды.

Оқиға орнына ТЖМ күштері мен құралдары жедел жіберілді. Өрт сөндіру бөлімшелері келген кезде жүк көлігі мен төгілген жанар-жағармай материалдары жанып жатқан.

"ТЖМ қызметкерлерінің жедел әрі кәсіби әрекеттерінің нәтижесінде өрт қысқа мерзімде толық сөндірілді", - делінген хабарламада.

Зардап шеккендер жоқ.

Мәтіннен қате тапсаңыз, бізге жазыңыз