Баум тоғайында жас қыздың үстіне ағаш құлады: Алматы полициясы мәлімдеме жасады

Алматы полиция департаменті Баум тоғайында үстіне ағаш құлаған қызға қатысты оқиғаға түсініктеме берді. Полиция істі тергеп жатыр, деп хабарлайды KAZ.NUR.KZ.

Бұған дейін 19 жастағы қыздың басынан өткен оқиға туралы хабарлағанбыз. Серуендеп жүргенде бойжеткеннің үстіне ағаш құлап, ол ауыр халде ауруханаға жеткізілген еді. Тіпті оған қан құю қажет болды және өкпені жасанды желдету аппаратына қосу қажеттілігі туындады.

Алматы полициясының хабарлауынша, Түрксіб аудандық полиция басқармасында Баум тоғайында ағаштың құлауы салдарынан жас қыздың алған жарақатына қатысты қылмыстық іс қозғалды.

"Қазіргі уақытта оқиғаның барлық мән-жайын жан-жақты және объективті анықтауға бағытталған бірқатар тергеу шарасы жүргізілуде, қажетті сот-медициналық сараптамалар тағайындалды.

Тергеу нәтижелері бойынша қолданыстағы заңнама талаптарына сәйкес нақты процессуалдық шешім қабылданады", - деп хабарлады ведомство өкілдері.

Мәтіннен қате тапсаңыз, бізге жазыңыз