Шымкентте жиһаз цехында өрт шығып, ғимараттың шатыры опырылды (фото)

Шымкентте дүкеннің жанында орналасқан бір қабатты жиһаз цехының ғимараты өртенді. Төтенше жағдай кезінде ғимараттың шатыры опырылған, деп хабарлайды ТЖМ-ға сілтеме жасаған KAZ.NUR.KZ.

Ведомствоның баспасөз қызметінің мәліметінше, ТЖМ бөлімшелерінің күшімен Шымкенттегі Сасбұқаев көшесінде шыққан өрт оқшауланған.

"Нақтыланған мәлімет бойынша, өрт бір қабатты жиһаз цехында және оның жанында орналасқан дүкенде шыққан.

Өртті сөндіруге алғашқы минуттарда-ақ ТЖМ күштері мен құралдары жұмылдырылды. Оқиға орнында өрт сөндіру штабы құрылып, үздіксіз су беру қамтамасыз етілді", - делінген хабарламада.

Өртті сөндіру барысында цех ғимаратының шатыры опырылып түскен. 112 желісіне зардап шеккендер туралы ақпарат түспеген.

"Өрт толық сөндірілді. Зардап шеккендер жоқ. Өрттің шығу себебі анықталып жатыр", - делінген хабарламада.

Өртті сөндіруге ТЖД жеке құрамынан 58 адам мен 22 техника жұмылдырылған.

Мәтіннен қате тапсаңыз, бізге жазыңыз