Таңертең Астанадағы тұрғын үй кешендерінің бірінде өрт шықты: төрт адам құтқарылды

Бүгін, таңертең елордадағы тұрғын үй кешендерінің бірінде өрт шығып, төрт адам құтқарылды, деп хабарлайды ТЖМ-ға сілтеме жасаға KAZ.NUR.KZ.

ТЖМ-ның баспасөз қызметінің мәліметінше, бүгін таңертең Сарыарқа ауданындағы Ш. Қосшығұлұлы көшесіндегі тұрғын үй кешендерінің бірінде, үшінші қабаттағы пәтерден өрт шыққан.

Жалын 20 шаршы метр аумақты қамтып, үй жиһаздары мен тұрмыстық заттарды шарпыған.

"Өртті сөндіру барысында ТЖМ қызметкерлері көрші пәтерлерден төрт адамды қауіпсіз жерге шығарды. Құтқару кезінде арнайы құтқару маскалары қолданылды", - делінген хабарламада.

Қазіргі уақытта өрт толық сөндірілген. Зардап шеккендер жоқ. Өрттің шығу себебі анықталып жатыр.

Мәтіннен қате тапсаңыз,бізге жазыңыз