Мәдинадан Алматыға бағыт алған SCAT ұшағы Оманға шұғыл қонды

Мәдинадан Алматыға бағыт алған SCAT әуекомпаниясының ұшағы жолаушының денсаулығы нашарлауына байланысты Оманға шұғыл қонды, деп хабарлайды KAZ.NUR.KZ.

NUR.KZ оқырмандары редакцияға Мәдинадан (Сауд Арабиясы) Алматыға ұшқан SCAT әуекомпаниясының ұшағы Оманға шұғыл қонғанын хабарлады.

"Ұшақта жолаушының жағдайы нашарлады. Ол Оман астанасы Маскат қаласындағы ауруханаға жатқызылды", - деп хабарлады оқырмандар.

Олар сондай-ақ жолаушының емделу үшін Оманда қалғанын, ал қалған жолаушылардың сапарын жалғастырғанын жеткізді.

Бұл жайтқа қатысты пікір алу үшін NUR.KZ тілшісі әуекомпаниясының баспасөз қызметіне жүгінді. Олар ақпаратты растады. Шынында да, Мәдина – Алматы рейсі кезінде жолаушылардың бірінің денсаулығы нашарлаған.

"Бортта оған қажетті көмек көрсетілді, алайда әрі қарай медициналық бақылау үшін әуе кемесінің командирі Омандағы қосалқы әуежайға қону туралы шешім қабылдады.

Қонғаннан кейін жолаушы медициналық қызметкерлерге тапсырылды. Жолаушылардың қауіпсіздігі, өмірі мен денсаулығы – әуекомпанияның басты басымдығы", - делінген жауапта.

Мәтіннен қате тапсаңыз,бізге жазыңыз