Қазақстанның шығысындағы ауылдардың бірінде күшті дауыл тұрып, үйлердің шатырын ұшырды (видео)

Шығыс Қазақстан облысындағы ауылдардың бірінде дауыл тұрып, салдарынан үйлерге зақым келіп, шаруашылық құрылыстары бүлінген. Оқиға орнына Глубокое ауданының әкімі Эльдар Тумашинов барды, деп хабарлайды KAZ.NUR.KZ.

Эльдар Тумашинов Instagram-дағы парақшасында күшті дауыл тұрған Глубокое ауданына қарасты Малоубинка ауылына барып қайтқанын жазды.

"Күшті дауылдың салдары шынымен де ауыр: қатты жел тұрғын үйлерге зақым келтіріп, шатырларын ұшырып әкеткен, сондай-ақ шаруашылық құрылыстары да бүлінген.

Қазіргі таңда ауыл тұрғындарына оңай емес екенін жақсы түсінемін. Сондықтан біздің міндетіміз – келтірілген залалды бағалап қана қоймай, ең алдымен көмекке мұқтаж жандарға мүмкіндігінше жедел қолдау көрсету.

Тұрғындардың қажетті көмекті алуы үшін қолдан келгеннің бәрін жасаймыз", - деп жазды аудан басшысы.

Ол Малоубинка ауылының тұрғындарын қиындықта жалғыз қалдырмайтынына сендірді.

Посмотреть эту публикацию в Instagram

Публикация от Тумашинов Эльдар Лукбекович (@eldar.tumashinov.official)

Мәтіннен қате тапсаңыз,бізге жазыңыз