БҚО-да 37 жолаушы мінген автобус өртенді

Батыс Қазақстан облысында 37 адам мінген автобус өртенді. Оқиға Самара - Шымкент тас жолының Теректі ауданы тұсында болды.

24.kz ақпаратына сәйкес, өрт шыққан сәтте салонда 37 жолаушы болған, олар өздігімен эвакуацияланды.

Өртті өңірлік Төтенше жағдайлар департаментінің қызметкерлері сөндірді, оған жеке құрамнан сегіз адам мен екі техника жұмылдырылды.

Зардап шеккендер жоқ.

Kazinform мәліметінше, автобус Орал - Қаратөбе бағыты бойынша жолға шыққан. Жолаушылар арасында қарт адамдар мен балалар болған.

"Бұл Оралдан Қаратөбеге қатынайтын автобус. Әрең шығып үлгердік", - деді жолаушылардың бірі.

Мәтіннен қате тапсаңыз,бізге жазыңыз