Аралда тұрғын үйдің маңындағы құдыққа түйе түсіп кетті (видео)

Қызылорда облысы Арал қаласында ТЖМ қызметкерлері ерекше құтқару операциясын жүргізді. Олар құдыққа түсіп кеткен түйені алып шықты, деп хабарлайды KAZ.NUR.KZ ведомствоның баспасөз қызметіне сілтеме жасап.

Қызылорда облысы Арал қаласында 112 пультіне Әбілхайыр Хан көшесіндегі тұрғын үйдің жанындағы құдыққа түйе түсіп кеткені туралы хабарлама келіп түскен.

Оқиға орнына құтқарушылар жедел жеткен. Құтқару жұмыстарын жүргізу үшін АҚА-20 арнайы техникасы жұмылдырылды.

Құтқарушылар жануарды қауіпсіз алып шығу жұмысын ұйымдастырды. Олар арнайы техниканың көмегімен түйені құдықтан көтеріп шығарып, иесіне тапсырды.

Құтқару операциясы сәтті аяқталды. Жануар аман-есен құтқарылды.

Мәтіннен қате тапсаңыз,бізге жазыңыз