"Басы тасқа тиген": Алматы облысында ер адам жырадан құлап кетті (видео)

Алматы облысында тауға шыққан ер адам басынан жарақат алды. Оған құтқарушылар мен дәрігерлердің көмегі қажет болды, деп хабарлайды Төтенше жағдайлар министрлігіне сілтеме жасаған KAZ.NUR.KZ.

ТЖМ баспасөз қызметінің мәліметінше, ер адам жардан құлап, жыраға түсіп кеткен. Оқиға теңіз деңгейінен 2610 метр биіктіктегі Терра алаңы аумағында болды. Көмек сұраған адам зардап шегушінің құлағаннан кейін ес-түссіз жатқанын хабарлады.

Апаттық-құтқару жұмыстарын жүргізу үшін оқиға орнына ҚР ТЖМ "Барыс" республикалық жедел-құтқару жасағының және Алматы қаласы әкімдігіне қарасты Мониторинг және жедел ден қою орталығының құтқарушылары жіберілді.

"Құтқарушылар Проходное шатқалы арқылы өтетін тау маршрутымен жаяу жүріп өтуі керек болды. Зардап шегушіге жеткен соң, оны жырадан тапты. Олар дереу алғашқы медициналық көмек көрсетті.

Құлау салдарынан ер адам басын тасқа соғып, жарақат алған. Құтқарушылар оның жағдайын тұрақтандырып, эвакуациялауға дайындады", - деп хабарлады ведомство.

Зардап шегуші таулы аймақтан аман-есен түсірілді. Құтқарушылар оны Апаттар медицинасы орталығының қызметкерлеріне тапсырды. Кейін ер адамды медициналық тексеруден өткізу және қажетті көмек көрсету үшін №12 қалалық клиникалық ауруханаға жеткізді.

ТЖМ Instagram парақшасында іздестіру-құтқару операциясының қалай өткенін көрсетті.

Посмотреть эту публикацию в Instagram

Публикация от Қазақстан Республикасы Төтенше жағдайлар министрлігі (@112kz_)

Мәтіннен қате тапсаңыз,бізге жазыңыз