Қарағанды облысындағы табиғи өртті 200 адам сөндіріп жатыр

Қарағанды облысында табиғи өртті сөндіру жұмыстары жалғасып жатыр. Өртті сөндіруге 200-ге жуық адам жұмылдырылды, деп хабарлайды baq.kz.

Қарағанды облысы Бұқар жырау ауданында Суықсу және Қызылту ауылдарының маңында табиғи өртті сөндіру жұмыстары жалғасып жатыр.

Суықсу ауылының маңындағы өрт оқшауланды. Елді мекеннен солтүстік-шығысқа қарай 25 шақырым жерде орналасқан таулы-шоқылы аумақта құрғақ шөп өртенген.

Облыстық Төтенше жағдайлар департаментінде жұмылдырылған күштер мен құралдардың іс-қимылын үйлестіретін жедел штаб құрылды.

Қазіргі уақытта жекелеген учаскелерге су себіліп, қалған өрт ошақтарын сөндіру жұмыстары жүргізіліп жатыр. Өртті сөндіруге ТЖМ мен жергілікті атқарушы органдардан 200-ге жуық адам және 60 техника жұмылдырылған.

Мәтіннен қате тапсаңыз,бізге жазыңыз