Төтенше жағдай: Атырау мұнай өңдеу зауытында өрт шықты (видео)

Атырау мұнай өңдеу зауытында төтенше жағдай болды. Әлеуметтік желілерде оқиға орнынан түсірілген өрттің видеосы тарап жатыр, деп хабарлайды KAZ.NUR.KZ.

"АМӨЗ" ЖШС Facebook-тегі парақшасында 25 тамызда сағат 12:35-те жабық типтегі механикалық тазарту қондырғысының тұндырғышында мұнау шламы тұтанғанын хабарлады.

"Оқиға кезінде нысанда ешқандай жұмыстар жүргізілген жоқ. Өртті оқушаулау және сөндіру жұмыстары жалғасып жатыр. Зауыт штаттық режимде жұмысын жалғастырып жатыр", - делінген хабарламада.

Сонымен бірге зардап шеккендер жоқ екенін да атап өтілді.

Төтенше жағдайлар министрлігі өздерінің ресми Telegram-арнасында АМӨЗ аумағындағы өрттің сөндірілгенін хабарлады.

Ведомство өкілдері түтін шыққаны туралы хабарлама "112" пультіне 25 тамыз күні сағат 12:55-те түскенін айтты.

"Нысанның ерекшелігін ескере отырып, ТЖМ күштері мен құралдары шақыртудың жоғары дәрежесі бойынша оқиға орнына дереу жіберілді", - деп атап өтті ведомство.

Өртті сөндіруге ТЖМ, "Семсер өрт сөндіруші", АТМА әуежайы және NCOC компаниясының өрт сөндіру-құтқару қызметінен шамамен 65 адам мен 19 бірлік техника жұмылдырылды. Оқиға орнында жедел штаб жұмыс істеп, тартылған барлық күштер мен құралдардың іс-қимылын үйлестіру ұйымдастырылды.

Сағат 13:42-де өрт оқшауланып, оттың одан әрі таралмаған. Қазіргі уақытта өрт толығымен сөндірілген. Зардап шеккендер жоқ. Ведомство өрттің шығу себептерін анықтап жатқанын атап өтті.

Посмотреть эту публикацию в Instagram

Публикация от АТЫРАУ | ҚАЗАҚСТАН | 06 (@atyrauoil.official)

Мәтіннен қате тапсаңыз, бізге жазыңыз