Қостанайда ірі өрт: әкімшілік ғимарат пен көліктер өртке оранды (видео)

Бүгін Қостанай қаласындағы Әл-Фараби даңғылында ірі өрт болды. Тілсіз жау үш қабатты әкімшілік ғимараттың маңынан басталған, деп хабарлайды Төтенше жағдайлар министрлігіне сілтеме жасаған KAZ.NUR.KZ.

"Алдын ала мәлімет бойынша, өрт ғимараттың маңынан басталған. Кейін жалын ғимараттың қаптамасына, үшінші қабаттағы кабинетке және шатырына жайылды. Сондай-ақ ғимарат жанында тұрған екі жеңіл автокөлік те өртенді", - делінген ведомствоның ресми Telegram-арнасында.

Өрттің аумағы нақтыланып жатыр.

Өрт сөндіру барысында ТЖМ қызметкерлері екінші қабатта болған әйелді құтқарды. Оны арнайы құтқару капюшонының көмегімен ғимараттан шығарып, ТЖМ Апаттар медицинасы орталығының бригадасына тапсырды.

Зардап шеккендер туралы ақпарат түскен жоқ.

Оқиға орнында жедел өрт сөндіруд штабы құрылды. Төтенше жағдайлар департаментінің күштері мен құралдары шақырудың жоғарылатылған №2 дәрежесі бойынша жұмыс істеп жатыр.

Мәтіннен қате тапсаңыз,бізге жазыңыз