Алматыда кафе өртенді: 15 адам құтқарылды (видео)

Кеше, 28 тамызда Алматы қаласы Бостандық ауданындағы Розыбакиев көшесінде орналасқан кафенің ғимаратында түтін шыққан. Зардап шеккендер жоқ, деп хабарлайды ТЖМ ресми Telegram-арнасында.

Алматы қаласының құтқарушылары кафеде болған өрт кезінде 15 адамды эвакуациялады. Оқиға 28 тамызда болған. Өрт шыққан жерге ТЖМ-нің өрт сөндіру бөлімшелері мен Апаттар медицинасы орталығының бригадасы жедел жіберілді.

"Құтқарушылар оқиға орнына келген кезде екі қабатты көппәтерлі тұрғын үйге жапсарлас салынған бір қабатты кафе ғимаратының ас бөлмесінде төбе жабындысы мен сөрелердің жанғанын анықтады.

Өртті сөндіруге газ-түтіннен қорғау қызметінің бірнеше буыны жұмылдырылды", - деп жазады ведомство өкілдері.

Екі қабатты көппәтерлі тұрғын үйден құтқарушылар 15 адамды эвакуациялаған.

Өрт сөндірілді. Зардап шеккендер жоқ. Өрттің шығу себебі анықталып жатыр.

Мәтіннен қате тапсаңыз,бізге жазыңыз