Алматыдағы 12 қабатты үйден өрт шықты: 72 адам эвакуацияланды (видео)

Бүгін таңертең Алматының Медеу ауданындағы Самал-2 шағын ауданында өрт шықты. Төтенше жағдайлар министрлігінің мәліметінше, 10 адам, оның ішінде бірнеше бала құтқарылды, деп хабарлайды KAZ.NUR.KZ.

Ведомство өкілдері хабарлағандай, бүгін таңертең Алматы қаласының "112" пультіне Медеу ауданындағы Самал-2 шағын ауданы, 76-үйде орналасқан пәтерде өрт шыққаны туралы хабарлама келіп түсті.

Өрт сөндіру-құтқару бөлімшелері келген кезде 12 қабатты тұрғын үйдің 12-қабатындағы пәтердің ашық жалынмен жанып жатқаны анықталды. Өрттің ғимараттың шатырына таралу қаупі туындады.

Құтқару жұмыстары барысында ТЖМ қызметкерлері 10 адамды, оның ішінде 3 баланы құтқарды. Сонымен қатар ғимараттан 72 адам эвакуацияланды, олардың арасында 8 бала және мүмкіндігі шектеулі 3 адам бар.

Өрт сөндірушілердің жедел әрі үйлесімді әрекеттерінің нәтижесінде оттың ғимарат шатырына таралуына жол берілмеді. Өрт 35 шаршы метр аумақта сөндірілді.

Посмотреть эту публикацию в Instagram

Публикация от Қазақстан Республикасы Төтенше жағдайлар министрлігі (@112kz_)

Мәтіннен қате тапсаңыз,бізге жазыңыз