Құтқарушылар Түркістандағы өрт кезінде 60-тан астам адамды эвакуациялады

Түркістан қаласында көпқабатты тұрғын үйден шыққан өрт кезінде құтқарушылар 60-тан астам адамды, оның ішінде 12 баланы эвакуациялады, деп хабарлайды ТЖМ-ға сілтеме жасаған KAZ.NUR.KZ.

ТЖМ-ның мәліметінше, өрт 9-көшедегі 12 қабатты көппәтерлі тұрғын үйден шыққан.

Оқиға орнына ТЖМ бөлімшелері жедел жеткен. Алғашқы өрт сөндіру есептоптары келген кезде ғимараттың 8-11 қабаттары аралығындағы сыртқы қаптамасының ашық жалынмен жанып жатқаны анықталған.

"ТЖМ қызметкерлері автосаты арқылы өрт сөндіру оқпандарын дереу беріп, өртті сөндіруге кірісті.

Сонымен қатар тұрғындарды эвакуациялау ұйымдастырылды. Өртті сөндіру барысында құтқарушылар баспалдақ арқылы 63 адамды, оның ішінде 12 баланы эвакуациялады", - делінген хабарламада.

Өрт сөндірілген. Зардап шеккендер жоқ. Өрттің шығу себебі анықталып жатыр.

Мәтіннен қате тапсаңыз,бізге жазыңыз