Аға журналист

Маңғыстауда қаза тапқан үш әскери қызметшінің денесі арнайы рейспен Оралға жеткізілді

Жарияланған күні:Бүгін, 25 қыркүйек 2026, 12:55

Жеңіс Темірғалиев, Ақжайық Гилаж және Өмірбек Өмірзақ. Фото: instagram.com/borli_audany_akimdigi, instagram.com/kaztalov_audany_akimdigi, instagram.com/baiterek_bqo

Каспий теңізінде қаза тапқан үш әскери қызметшінің денесі арнайы рейспен Оралға жеткізілді, деп хабарлайды KAZ.NUR.KZ БҚО әкімдігінің баспасөз қызметіне сілтеме жасап.

Әкімдік мәліметінше, 25 қыркүйек, сағат 08:45-те Орал қаласының әуежайына Маңғыстау облысындағы қайғылы оқиға салдарынан қаза тапқан батысқазақстандық әскери қызметшілер Жеңіс Темірғалиев, Өмірбек Өмірзақ және Ақжайық Ғилаждың денесі арнайы рейспен жеткізілді.

Қаза тапқан әскери қызметшілерді ақтық сапарға шығарып салу және жерлеу рәсімдері 26 қыркүйек күні өтеді.

Мемлекет басшысының тапсырмасымен қаза тапқандардың отбасыларына жергілікті атқарушы органдар тарапынан материалдық көмек көрсетіледі. Сондай-ақ бұл іске бизнес өкілдері де атсалысады. Жерлеу рәсімдерін ұйымдастыру бойынша барлық қажетті шара қабылдануда.

Аталған жағдай облыс әкімінің тікелей бақылауында.

Мәтіннен қате тапсаңыз,бізге жазыңыз