Алматылықтар таңертең жер сілкінісін сезді: ТЖМ өкілдері мән-жайды айтты

Алматы тұрғындары желіде таңертең ерте жер сілкінісін сезгені туралы жазуда. ТЖМ оқиғаның егжей-тегжейін айтып берді, деп хабарлайды KAZ.NUR.KZ Алматы қалалық ТЖД-ға сілтеме жасап.

Бүгін Алматы тұрғындары желіде жер сілкінісін сезгендері туралы жазба жариялады.

"Алматы, мен жер сілкінгенін ойдан шығарып алдым ба? Үйде ешкім сезбеген және бұл туралы ешқандай жаңалық жоқ. Дегенмен мен гүріл мен біртіндеп басылған қысқа діріл дыбысын анық естідім", - дейді nindzyamalysh есімді Threads қолданушысы.

ТЖМ-нің "Сейсмологиялық бақылаулар мен зерттеулердің ұлттық ғылыми орталығы" ЖШС мәліметіне сәйкес, 28 қыркүйек Астана уақыты бойынша сағат 06:32-де Қазақстан аумағында сейсмикалық оқиға тіркелді.

"Алматы қаласында жер сілкінісі сезілген жоқ. Алматы қаласы ТЖД-ның "112" және "101" нөмірлеріне жер сілкінісіне байланысты оқиғалар мен өтініштер туралы хабарламалар түскен жоқ", - делінген хабарламада.

Мәтіннен қате тапсаңыз, бізге жазыңыз