"Қолым әлі дірілдеп тұр": алматылықтар жер сілкінісінен кейін ғимараттардан тысқа шықты (видео)

Алматы тұрғындары жер сілкінісін сезді. Олардың көпшілігі президенттік хабарламаны алғаннан кейін ғимараттар мен пәтерлерден тысқа шықты, деп хабарлайды KAZNUR.KZ.

Желіде алматылықтардың жер сілкінісінен кейін пәтерлерінен шығып, көшеге қарай ағылғаны түсірілген кадрлар пайда болды. Мәселен, кейбірі 12-қабаттан жүгіріп түскен.

Сондай-ақ қаладағы оқу орындарында да эвакуация жүргізілді. Бейнежазбалардың бірінде оқушылардың баспалдақпен жаппай түсіп жатқаны көрінеді.

Threads желісінде алматылықтар жер сілкінісі туралы жазба жариялап, эвакуацияның қалай өткенін айтып берді.

Посмотреть в Threads

"Алматыда жер сілкінісі тіркелді. Кім сезді? Біз жұмыста өз бетімізше эвакуацияландық. Кейбір "патриоттар" кеңседе қалып қойды", - деп жазды бойжеткен.

"Алматы, бүгін бізде қатты жер сілкінісі болды, бірақ балалар әдеттегідей сол сәтте бәрін ұйымшылдықпен істеді. Мектептің эвакуациясы тез, нақты және қауіпсіз өтті. Балалар ойнап жүр", - деп атап өтті мұғалім желіде.

"Хабарлама әдеттегідей жер сілкінісінен кейін келді... Көршілердің бәрі сыртқа шықты, жақын маңдағы мектептен барлық оқушыларды шығарды", - деп жазды тағы бір қолданушы.

Университеттерде де оқу процесі тоқтатылды. Бұл туралы ashilova1165 есімді қолданушы хабарлады.

"Қатты дүмпуді сездік. Балалар қатты қорықты. Біз төртінші қабатта едік, бізді қатты тербетті. Дүрбелеңсіз бірден көшеге шықтық. Қолым әлі дірілдеп тұр, күтпеген жерден болды", - деді оқытушы.

Посмотреть в Threads

osmanov.i.z есімді желі қолданушысы хабарламаны алғаннан кейін бірден көшеге шыққанын мәлімдеді.

"Сиренаны жер сілкінісінен кейін ғана естідік. Екі қатты дүмпу болды. Қала орталығындамыз. Шығыс бөлігінде онша сезілмеген, КАМАЗ жүріп өткендей болғанын жазып жатыр", - деді ер адам.

Кейбірі жер сілкінісін пәтерде болған кезде сезді. Жер асты дүмпуінің сәтін бейнебақылау камерасы түсіріп алды.

Еске сала кетейік, бұған дейін ҚР ТЖМ "Сейсмологиялық бақылау және зерттеу орталығы" ЖШС сейсмикалық станциялар желісі жер сілкінісін тіркегенін хабарлағанбыз.

Мәтіннен қате тапсаңыз, бізге жазыңыз