Ақмола облысындағы жеке тұрғын үйден шыққан өрттен екі адам мерт болды

Щучинск қаласындағы жеке тұрғын үйден шыққан өртті сөндіру барысында ер мен әйелдің денесі табылды – полиция бұл деректі тіркеді, деп хабарлайды Kazinform агенттігіне сілтеме жасаған KAZ.NUR.KZ.

Өңірлік ТЖД-ның мәліметінше, өрт 90 шаршы метр аумақты шарпыған. Өртті сөндіру барысында құтқарушылар үйден 1968 жылы туған ер мен әйелдің денесін алып шыққан.

Өрттің себебі анықталып жатыр. Өртті өндіруге өңірлік ТЖД-ның 16 қызметкері мен 4 техникасы жұмылдырылған.

Облыстық полиция департаментінің өкілдері де қайғылы оқиғаға қатысты пікір білдірген.

Бұл дерек Бурабай аудандық полиция бөлімінде тіркелген. Оқиғаның барлық мән-жайы анықталып жатыр.

Мәтіннен қате тапсаңыз, бізге жазыңыз