Астанадағы фитнес-орталықтардың бірінде өрт шықты

Астанада екі қабатты фитнес-орталықтың ғимаратында өрт шығып, құтқарушыларға 20 адамды эвакуациялауға тура келді, деп хабарлайды ТЖМ-ға сілтеме жасаған KAZ.NUR.KZ.

ТЖМ баспасөз қызметінің мәліметінше, бүгін елорданың Алматы ауданындағы Сәтбаев көшесі бойындағы екі қабатты фитнес-орталықтың жертөле бөлмесінде күштік кабель тұтанған.

"Оқиға орнына ТЖМ бөлімшелері жедел жетті. Құтқарушылар жертөле бөлмесінің қатты түтінге толғанын анықтады.

Ғимараттағы адамдардың қауіпсіздігін қамтамасыз ету мақсатында газ-түтіннен қорғау қызметінің буыны 20 адамды эвакуациялады", - делінген хабарламада.

ТЖМ бөлімшелерінің жедел әрекет етуінің арқасында өрт қысқа мерзімде сөндіріліп, одан әрі таралуына жол берілмеген. Зардап шеккендер жоқ.

Мәтіннен қате тапсаңыз, бізге жазыңыз