Сәтбаевта тұрғын үйден өрт шығып, 17 адам құтқарылды

Сәтбаев қаласындағы төрт қабатты тұрғын үйден өрт шығып, 17 адам, оның ішінде 8 бала жедел қауіпсіз жерге көшірілді, деп хабарлайды ТЖМ.

Ұлытау облысының 112 пультіне Сәтбаев қаласындағы Ұлытау көшесінде орналасқан төрт қабатты тұрғын үйде өрт шыққаны туралы хабарлама келіп түсті. Оқиға орнына ТЖМ бөлімшелері жедел жетті.

"Өрт сөндірушілер келген кезде екінші қабаттағы пәтерлердің бірінде жиһаз бен үй заттары жанып жатқаны анықталды.

Құтқарушылар баспалдақ арқылы 17 адамды, оның ішінде 8 баланы эвакуациялады", - делінген ведомство хабарламасында.

Өрт 10 шаршы метр аумақта сөндірілді. Зардап шеккендер жоқ. Өрттің шығу себебі анықталуда.

Мәтіннен қате тапсаңыз, бізге жазыңыз