Қонаевта саунадан өрт шықты

Таңғы уақытта Қонаев қаласындағы Қапшағай көшесінде орналасқан алты қабатты ғимараттың жертөлесінде орналасқан саунадан өрт шықты, деп хабарлайды KAZ.NUR.KZ ТЖМ баспасөз қызметіне сілтеме жасап.

Ведомство мәліметінше, ТЖД бөлімшелері келгенге дейін адамдар ғимараттан өз бетінше сыртқа шыққан.

70 шаршы метр аумақты шарпыған өрт толық сөндірілді.

"Зардап шеккендер жоқ. Өрттің шығу себебі анықталып жатыр", - дейді ТЖМ өкілдері.

Құтқарушылар өрт қауіпсіздігі ережелерін сақтауды еске салды:

• Электр сымдары мен жабдықтарының жарамдылығын қадағалаңыз.
• Электр құрылғыларын қосулы күйде қараусыз қалдырмаңыз.
• Жылыту құрылғыларын пайдалану ережелерін сақтаңыз.
• ️Эвакуациялық шығу жолдарын бөгемеңіз.
• Өрт анықталған жағдайда дереу 101 немесе 112 нөміріне хабарласыңыз.

Мәтіннен қате тапсаңыз, бізге жазыңыз