Алматы орталығында жеке тұрғын үйден өрт шықты (видео)

Алматының Бостандық ауданындағы Қаратаев көшесінде орналасқан жеке үйдің аумағынан өрт шықты. Жалын шаруашылық құрылыстан басталып, тұрғын үйге тараған, деп хабарлайды KAZ.NUR.KZ ТЖМ баспасөз қызметіне сілтеме жасап.

ТЖМ мәліметінше, Алматы гарнизонының күштері мен құралдары қаланың Бостандық ауданындағы Қаратаев көшесінде болған өртті сөндіру жұмыстарын жүргізуде. Алдын ала мәлімет бойынша, өрт шаруашылық құрылыстан басталып, жеке тұрғын үйге таралған.

Өртті сөндіру үшін оқпандар берілді. Автоцистерналар өрт гидранттарына қосылып, судың үздіксіз берілуі қамтамасыз етілді.

Жағдай бақылауда. Ақпарат нақтылануда.

Мәтіннен қате тапсаңыз, бізге жазыңыз