Алматыда ірі құрылыс алаңында ғимараттың екінші қабаты мен шатыры өртенді (видео)

Алматыда салынып жатқан ғимараттағы өрт сөндірілді, деп хабарлайды ТЖМ баспасөз қызметіне сілтеме жасаған KAZ.NUR.KZ.

ТЖМ мәліметінше, бүгін Алматының Медеу ауданына қарасты "Зеленстрой" бау-бақша серіктестігінің аумағында салынып жатқан екі қабатты ғимараттан өрт шыққан.

Өрт сөндіру бөлімшелері оқиға орнына жеткен кезде ғимараттың екінші қабаты мен шатыры ашық жалынмен жанып жатқан.

ТЖМ бөлімшелері дереу өртті сөндіру және жалынның одан әрі таралуына жол бермеу жұмыстарына кіріскен.

Өрт 150 шаршы метр аумақта толық сөндірілген.

Зардап шеккендер жоқ. Өрттің шығу себебі анықталып жатыр.

Мәтіннен қате тапсаңыз, бізге жазыңыз