Астанада тұрғын үй өртенді: 25 адам құтқарылды

Астананың Алматы ауданындағы Р. Қошқарбаев даңғылында орналасқан алты қабатты тұрғын үйдің бірінде өрт шықты, деп хабарлайды ТЖМ.

Оқиға орнына жеткен Төтенше жағдайлар министрлігінің қызметкерлері бесінші қабаттағы пәтерде үй заттары жанып жатқанын анықтады.

Өртті сөндіру барысында құтқарушылар 25 адамды, оның ішінде 7 баланы аман алып шықты. Тілсіз жау толықтай сөндірілді.

Мәтіннен қате тапсаңыз, бізге жазыңыз