Алматыда Volkswagen алты көлікті соғып, салдарынан төрт адам зардап шекті (видео)

Алматыда кеше түнде ірі жол апаты болды. Volkswagen жүргізушісі алты көлікпен соқтығысып, төрт адам зардап шекті, деп хабарлайды KAZ.NUR.KZ қалалық ПД-ға сілтеме жасап.

Полиция департаментің мәліметінше, жол апаты Абай даңғылында түнгі сағат 00:10-да болған.

"2004 жылы туған азамат К. Volkswagen автокөлігімен Абай даңғылының бойымен батыс бағытта келе жатып, тоқтап тұрған алты көлікті соқты.

Салдарынан төрт адам жарақат алып, медициналық мекемеге жеткізілді", - делінген ПД хабарламасында.

Әуезов аудандық Полиция басқармасы қызметкерлері осы дерек бойынша тергеу жұмысын бастады.

Әлеуметтік желіде апат орнынан түсірілген кадрлар пайда болды. Оқиға орнынан түсірілген видео Kris_p_almaty/Kazpress.kz Telegram-дағы арнасында жарияланды.

"Ол алдымен жолаушысын алып кетуге тоқтаған "Приора" көлігін соқты, ал есігі ашық тұрған "Приора" ер адамды қағып кетті, содан кейін тоқтап тұрған көліктерді соқты", - деп жазылған видео сипаттамасында.

Мәтіннен қате тапсаңыз, бізге жазыңыз