Алматыда мектеп автобусы мен жеңіл көлік соқтығысты (видео)

Алматыдағы Жангелдин көшесінде мектеп автобусы мен жеңіл көлік соқтығысты, зардап шеккендер жоқ. Бұл туралы KAZ.NUR.KZ Алматы қалалық полиция департаментінің баспасөз қызметіне сілтеме жасап хабарлайды.

Оқиға орнынан түсірілген видео Telegram-дағы Kris_p_almaty арнасында жарияланды. Видеодан жеңіл көлік пен сары автобустың соқтығысқанын көруге болады. Екі көліктің де алдыңғы жағы бүлінген.

Алматы ПД мәліметінше, жол апаты 5 желтоқсанда Жетісу ауданындағы Жангелдин көшесінде болған.

"Toyota көлігі мен автобус соқтығысты. Жол апаты салдарынан ешкім зардап шекпеді", - деді қалалық ПД баспасөз қызметінің өкілдері.

Жол апаты фактісін Жетісу ауданының полиция қызметкерлері тіркеген.

Естеріңізге сала кетейік, қарашаның соңында Қарағандыда екі автобус соқтығысып, жеті адам ауруханаға жеткізілген еді.

Мәтіннен қате тапсаңыз, бізге жазыңыз