Семейде бірнеше көлік соқтығысып, жеті адам зардап шекті (видео)

9 мамырда Семейдің орталығында жол-көлік оқиғасы болды. "ГАЗель" жүргізушісі бірнеше көлікпен соқтығысып, салдарынан жеті адам зардап шекті, деп хабарлады Абай облысының полиция департаменті Telegram-дағы ресми арнасында.

Ведомство ақпараты бойынша, 9 мамырда сағат 18:20 шамасында 38 жастағы "ГАЗель" жүргізушісі даңғылының қиылысында бағдаршамның тыйым салынған сигналына өтіп кетіп, Toyota Highlander көлігімен соқтығысқан.

"Соқтығысқаннан кейін "ГАЗель" көлігі тағы екі "Ваз 2109" және Lexus RX 300 маркалы көлікпен соқтығысқан.

Жол-көлік оқиғасы салдарынан 7 адам ауруханаға түсті.

Қазіргі уақытта бірқатар сот-медициналық сараптамалары тағайындалды, олардың нәтижелері бойынша процестік шешім қабылданатын болады", - делінген хабарламада.

Тәртіп сақшылары жол-көлік оқиғаларын болдырмау мақсатында жүргізушілерді жолда мұқият болуға және жол қозғалысы ережелерін сақтауға шақырды.

Мәтіннен қате тапсаңыз, бізге жазыңыз