Екібастұзда жаяу жүргінші өткелінде кәмелетке толмаған қызды көлік қағып кетті

Екібастұзда жаяу жүргіншілер өткелінде көлік қызды қағып кетті. Ол дене жарақатымен ауруханаға жатқызылды, деп хабарлайды Павлодар облысының полиция департаментіне сілтеме жасаған KAZ.NUR.KZ.

Ведомство баспасөз қызметінің хабарлауынша, тек жыл басынан бері облыс жолдарында кәмелетке толмағандардың қатысуымен 124 жол-көлік оқиғасы тіркеліп, салдарынан 135 бала түрлі дене жарақатын алып, екеуі қайтыс болды.

"Мысалы, Екібастұз қаласы Кеңшілер көшесінде Geely SC7 көлігінің жүргізушісі қауіпсіз жылдамдықты таңдамай, реттелмейтін жаяу жүргіншілер өткелінде жолды кесіп өтіп бара жатқан кәмелетке толмаған жаяу жүргіншіні қағып кеткен. Салдарынан кәмелетке толмаған бала дене жарақатымен ауруханаға жатқызылды, ал көлік коммуналдық тұраққа қойылған", - деп хабарлады Павлодар облысының полиция департаменті.

Тәртіп сақшыларының айтуынша, жолдарда балалардың қатысуымен болатын барлық жол-көлік оқиғасының негізгі себебі – көлік жүргізушілерінің де, балалардың да жол ережесін сақтамауы.

Мәтіннен қате тапсаңыз, бізге жазыңыз