Бұрынғы қызметкер

Түркияда автобус пен жүк көлігі соқтығысты: бір адам қаза тауып, 20 шақты адам жараланды (фото)

Опубликовано:3 желтоқсан 2024, 16:13

Түркия, жедел жәрдем — Жедел жәрдем. Көрнекі сурет: Adem Altan / AFP via Getty Images

Түркияның Денизли қаласының маңында қалааралық автобус жүк көлігіне соғылған. Жол апатынан бір адам қаза тауып, жиырма шақты адам жараланды. Бұл туралы KAZ.NUR.KZ түрік басылымдарына сілтеме жасай отырып хабарлайды.

Аланияға жолаушылар алып бара жатқан автобус жанармай құю бекетінен шығып келе жатқан жүк көлігімен соқтығысты, деп хабарлайды жергілікті NTV басылымы.

Мәліметтерге қарағанда, автобусты 60 жастағы жүргізуші тізгіндеген. Оқиға орнына ДЕРЕУ дәрігерлер, өрт сөндірушілер және полицейлер бригадалары жеткен.

Басылым мәліметінше, апат салдарынан Болгарияның бір азаматы қаза тапқан. Зардап шеккен жиырма шақты адамның ішінде үшеуінің жағдайы ауыр.

Естеріңізге сала кетейік, қараш айында Алматының Алатау ауданында КамАЗ бен автобус соғысып қалған.

Оның алдында Алматыда бір жеңіл көлік автобусқа соғып, жол апатынан бір адам қаза тапқан.

Мәтіннен қате тапсаңыз, бізге жазыңыз