Ұлытау облысында жантүршігерлік жол апатынан үш адам қаза тапты (видео)

Сенбі, 4 қаңтарда Ұлытау өңіріндегі тасжолдың бірінде үш адамның өмірін қиған жол апаты болды. Полицейлер қайғылы жайтқа қатысты тергеуді бастады, деп хабарлайды KAZ.NUR.KZ.

Оқиға орнынан түсірілген видео Instagram-дағы ekaraganda.kz парақшасында жарияланды. Кадрлардан ер адамдардың өртенген көлікті орнынан қозғамақ болғанын көруге болады.

Жазба астында Ұлытау облыстық полиция департаментінің баспасөз қызметі өкілдері оқиғаға қатысты пікір білдірген.

Полицейлердің мәліметінше, 4 қаңтарда Қызылорда-Павлодар тасжолында екі көлік соқтығысып, жол апаты болған. Апат салдарынан үш адам қаза тапты.

"Бұл факт бойынша сотқа дейінгі тергеу басталды. Оқиға орнында жедел-тергеу тобы жұмыс істеп, оқиғаның барлық мән-жайы мен себебін анықтап жатыр. Басқа мәліметтер нақтыланған жоқ", - делінген хабарламада.

Полицейлер жол қозғалысына қатысушылардың барлығына жол қозғалысы ережелерін қатаң сақтауды ескертті.

"Жылдамдықты шектен асырмаңыз, басқа да қайғылы жағдайға әкелетін бұзушылықтарды болдырмаңыз", - деді жол полициясы өкілдері.

Мәтіннен қате тапсаңыз, бізге жазыңыз