Түркістан облысында екі көлік соқтығысып, өртке оранды: алты адам қаза тапты (фото, видео)
Опубликовано:
Читать на русском
Түркістан облысында жол-көлік оқиғасынан алты адам қаза тауып, тағы 4 адам зардап шекті. Түрлі дене жарақатын алған жолаушылар ауруханаға жатқызылды, деп хабарлайды облыстық полиция департаментіне сілтеме жасаған KAZ.NUR.KZ.
Ведомствоның ресми Telegram-каналында хабарланғандай, 3 ақпан күні Түркістан облысында Кентау – Түркістан тас жолының 5-шақырымында екі "Ауди" көлігі соқтығысып, өртке оранған.
"Алдын ала мәлімет бойынша, көліктердің бірінің жүргізушісі жолдың қарсы бетіне шығып кетіп, басқа көлікпен бетпе-бет соқтығысқан.
Оқиға салдарынан 6 адам оқиға орнында қаза тауып, 4 адам түрлі дене жарақатын алды. Зардап шегушілер Кентау қаласындағы медициналық мекемеге жатқызылды", - деп хабарлады Түркістан облысының полиция департаментінен.
Қазіргі уақытта сотқа дейінгі тергеп-тексеру жүргізіліп, оқиғаның барлық мән-жайы анықталуда, оның қорытындысы бойынша процессуалдық шешім қабылданады.
Түркістан облысының полиция департаменті баршаны жол қозғалысы ережелерін сақтауға, белгіленген жылдамдықты асырмауға және жолдың қарсы бетіне шықпауға шақырды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2217608-turkistan-oblysynda-eki-kolik-soqtygysyp-ortke-orandy-alty-adam-qaza-tapty-foto-video/