Алматыда автобус пен бес жеңіл көлік соқтығысты (видео)

Алматының Түрксіб ауданында автобус пен бес жеңіл көлік соқтығысты, жол-көлік оқиғасы салдарынан зардап шеккен алты адам медициналық көмекке жүгінді, деп хабарлайды қалалық полиция департаментінің баспасөз қызметіне сілтеме жасаған KAZ.NUR.KZ.

Кеше, 8 маусымда сағат 11:50-де жеке тасымалдаушыға тиесілі Yutong маркалы автобустың жүргізушісі Сейфуллин көшесімен солтүстік бағытта келе жатқан. Ер адам рульге ие бола алмай, қарама-қарсы бағытқа шығып кеткен.

Автобус сол жерде бағдаршамның қызыл түсіне тоқтаған бес көлікпен соқтығысқан.

Апат салдарынан алты адам медициналық көмекке жүгінді.

Аудандық полиция басқармасындағылар жол-көлік оқиғасының мән-жайын анықтауға кірісті.

Назар аударыңыз, видеода бейәдеп сөздер бар!