Контент-ресечер

Алматы облысы әкімінің орынбасары жол апатына түсті

Опубликовано:9 шілде 2025, 13:01

Алматы облысы әкімінің орынбасары Әсет Масабаев жол апатына түсті. Жол-көлік оқиғасына қатысты қылмыстық іс тіркелген, деп хабарлайды облыстық полиция департаментіне сілтеме жасаған KAZ.NUR.KZ.

"Төңкеріс-Байсерке автожолында болған жол-көлік оқиғасы бойынша қылмыстық іс тіркеліп, тергеу жүргізіліп жатыр", - деп хабарлады ведомствоның баспасөз қызметінен.

Осы орайда полиция өкілдері жол қозғалысына қатысушыларды жол жүру ережелерін қатаң сақтауға, әсіресе қала сыртындағы жолдарда және қараңғы уақытта аса мұқият болуға шақырады.

Сондай-ақ NUR.KZ тілшісі де Әсет Масабаевтың жағдайы туралы ақпарат алу үшін облыстық денсаулық сақтау басқармасы мен әкімдікке жүгінді.

Айта кетейік, Әсет Масабаев биыл 23 қаңтарда Алматы облысы әкімінің орынбасары лауазымына тағайындалған еді.

Бұдан бөлек ол Алматы қаласы Медеу ауданының әкімі, Жетісу облысы Талдықорған қаласының әкімі қызметтерін атқарған.

Мәтіннен қате тапсаңыз, бізге жазыңыз