Алматыдағы әл-Фараби даңғылында автокөлік жол белгісінің тірегіне соғылды (видео)

6 сәуірде Алматыдағы әл-Фараби даңғылында тағы бір жол-көлік оқиғасы тіркелді, деп хабарлайды KAZ.NUR.KZ қалалық полицияға сілтеме жасап.

Алматы полиция департаментінің баспасөз қызметінің мәліметінше, бүгін таңғы сағат 5:46-да Медеу ауданында Hyundai автокөлігінің жүргізушісі жол-көлік оқиғасына ұшырады.

"Hyundai жүргізушісі әл-Фараби даңғылымен батысқа қарай жүріп келе жатып, Мендіқұлов көшесінің қиылысында рульді игере алмай, оңға бұрылар кезде кедергіге, атап айтқанда, жол айырығының жолды бөліп тұрған тірегіне соғылды", - деп хабарлады ПД өкілдері.

Полиция мәліметінше, апат салдарынан жүргізуші мен жолаушыға медициналық көмек қажет болды, ал көлікке механикалық зақым келген.

Медеу аудандық полиция басқармасы апаттың мән-жайын анықтауда.

Желіде оқиға орнында куәгерлердің түсірген видеосы жарияланды.

Естеріңізге сала кетейік, 21 наурызда Алматыдағы әл-Фараби даңғылында үш адамның өмірін қиған жантүршігерлік жол апаты болды. Zeekr көлігі қарсы қозғалыс жолына шығып, Mercedes көлігімен соқтығысқан еді.

Посмотреть эту публикацию в Instagram

Публикация от Сергек Казахстан (@sergek.kaz)

Мәтіннен қате тапсаңыз, бізге жазыңыз