Өскеменде жантүршігерлік жол апаты болды: екі көліктің де жүргізушісі қайтыс болды

Өскемен қаласында жол-көлік оқиғасынан екі адам қаза болды. ШҚО полиция департаменті баспасөз қызметінің мәліметіне сүйенсек, жол апаты Малдыбаев көшесінде болған, деп хабарлайды KAZ.NUR.KZ.

ШҚО ПД хабарлауынша, екі адамның қаза табуына байланысты қылмыстық іс қозғалды.

"Алдын ала мәліметтер бойынша, 35 жастағы ер адам Honda Inspire маркалы автокөлікті айдап әкетіп, Малдыбаев көшесімен Аблакетка ауданынан қалаға қарай келе жатып, қарсы қозғалыс жолағына шығып кетіп, қарсы бағытта келе жатқан Mercedes-Benz автокөлігімен соқтығысқан.

Жол-көлік оқиғасы салдарынан екі көліктің жүргізушілері оқиға орнында қаза тапты. Ал Mercedes-Benz автокөлігінің жолаушысы түрлі жарақаттармен ауруханаға жеткізілді.

Қазіргі уақытта қажетті тергеу әрекеттері жүргізілуде. Оқиғаның барлық мән-жайы анықталып жатыр", - деп хабарлады ШҚО ПД Анықтау басқармасының бастығы Арман Алтайбекұлы.

Мәтіннен қате тапсаңыз, бізге жазыңыз