Теміртауда жолаушылар автобусы бағанаға соғылды: зардап шеккендер бар (видео)

Теміртаудағы көше қиылыстарының бірінде жол-көлік оқиғасы болды – жолаушылар автобусы бағанаға соғылды, деп хабарлайды облыстық ПД-ға сілтеме жасаған KAZ.NUR.KZ.

Қарағанды облысы полиция департаментінің баспасөз қызметінің мәліметінше, бүгін, 23 сәуірде таңғы сағат 8:40 шамасында Металлург және Республика даңғылдарының қиылысында жол-көлік оқиғасы тіркелген.

Алдын ала мәлімет бойынша №06 автобустың 45 жастағы жүргізуші рульді басқара алмай, жиектасқа, содан кейін бағдаршамның металл бағанасына соғылған.

Жол апаты кезінде салонда шамамен 20 жолаушы болған. Төрт адам ауруханаға жеткізілген.

Бұл факт полицияда тіркелген. Оқиғаның барлық мән-жайы анықталып жатыр.

Сондай-ақ желіде куәгерлер түсірген оқиға орнынан видео жарияланды.

Посмотреть эту публикацию в Instagram

Публикация от Темиртау| Новости, События, Обзоры (@temirtau.today)

Мәтіннен қате тапсаңыз, бізге жазыңыз