Астанада көлік дүкенге соғылды: дәрігерлер 15 жастағы қыздың жағдайын айтты

Астанада көкөніс дүкеніне жеңіл көлік соғылып, салдарынан15 жастағы оқушы қыз зардап шеккен еді. Дәрігерлер қыздың қазіргі жағдайы туралы мәлімет берді, деп хабарлайды KAZ.NUR.KZ.

Астанада көлік көкөніс дүкеніне соғылып, салдарынан 15 жастағы оқушы қыз зардап шеккен еді. әлі де ауруханада жатыр. Қалалық денсаулық сақтау басқармасы оның жағдайы туралы айтты.

"Қыз анестезиология, жансақтау және қарқынды терапия бөлімінде жатыр. Жағдайы тұрақты. Оны бейінді бөлімшеге ауыстыруға дайындап жатырмыз", - деп хабарлады ведомство өкілдері.

Айта кетейік, жол-көлік оқиғасынан кейін зардап шеккен қыз медициналық мекемеге жеткізіліп, оған қажетті көмек көрсетіліп жатыр.

Еске сала кетейік, оқиға кеше Астанада болған. Онда 18 жастағы Hyundai Accent жүргізушісі көкөніс дүкеніне кіріп кеткен еді. Оқиға кезінде оқушы қыз сауда павильонының ішінде болған.

Мәтіннен қате тапсаңыз,бізге жазыңыз