Алматыда ауыр жүк көлігі бетон қоршауға соғылды (видео)

Алматыда бейнебақылау камералары Shacman ауыр жүк көлігінің бетон қоршауға соғылған сәтін түсіріп алды. Жол-көлік оқиғасынан ешкім зардап шеккен жоқ, деп хабарлайды қалалық полиция департаментіне сілтеме жасаған KAZ.NUR.KZ.

Алматыда бейнебақылау камералары жүк көлігі апатқа ұшыраған сәтті тіркеді. Жол-көлік оқиғасы Әуезов ауданындағы Сайын көшесінде, Абай даңғылының жол өтпесінің астында болды.

"Алдын ала мәлімет бойынша, Shacman жүк көлігінің жүргізушісі солтүстік бағытта келе жатып, көлікті басқара алмай, бетон қоршауға соғылған", - делінген хабарламада.

Қатты соққы салдарынан жүк көлігінің кабинасы қатты зақымданды.

"Абырой болғанда, жол-көлік оқиғасынан ешкім зардап шеккен жоқ", - деп толықтырды полиция департаменті.

Апат дерегі бойынша полиция қызметкерлері әкімшілік хаттама толтырды.

Полиция жүргізушілерге жылдамдық режимін сақтау, жол жағдайын ескеру және рөлде мұқият болу қажеттігін еске салды.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Мәтіннен қате тапсаңыз,бізге жазыңыз