Қазақстанның солтүстігінде жол жөндеу кезінде жүк көлігі асфальттөсегішпен соқтығысты

Қостанай облысындағы тасжолда жол-көлік оқиғасы болды. Жол жөндеу жұмыстары жүріп жатқан сәтте жүк көлігі асфальттөсегішпен соқтығысқан, деп хабарлайды өңірлік ПД-ға сілтеме жасаған KAZ.NUR.KZ.

Қостанай облыстық полиция департаментінің баспасөз қызметі мәлімдегендей, Қостанай - Мамлютка тасжолында, Молокановка ауылының маңында болған жол-көлік оқиғасы бойынша полиция тексеру жүргізіп жатыр.

"Алдын ала мәліметтер бойынша, 1980 жылы туған DAF жүк көлігінің жүргізушісі "Титан" асфальттөсегішімен соқтығысқан. Бұл учаскеде жол жөндеу жұмыстары жүріп жатқан", - деп хабарлады ПД.

Жол-көлік оқиғасы салдарынан ешкім зардап шекпеген. Қазіргі уақытта оқиғаның барлық мән-жайын анықтауға бағытталған қажетті шаралар жүргізіліп жатыр.

Мәтіннен қате тапсаңыз,бізге жазыңыз