Ақтөбеде мотоциклші жүк көлігімен соқтығысып, оқиға болған жерде жан тапсырды (видео)

Ақтөбеде мотоциклші жүк көлігінің астына түсіп көз жұмды – оқиға кеше кешке болған. Облыстық полиция департаменті оқиғаның мән-жайын айтты, деп хабарлайды KAZ.NUR.KZ.

Қайғылы оқиға туралы ақпарат Instagram-дағы info_aqtobe парақшасында жарияланды. Оқиға орнында түсірілген кадрлар көрсетілді.

Өңірдегі полиция департаментінің мәліметінше, 312-ші Атқыштар дивизиясы даңғылында жүк көлігі мен мотоцикл жол-көлік оқиғасына тап болған.

Жол апаты салдарынан мотоциклші жедел жәрдем келгенге дейін оқиға орнында көз жұмды.

"Аталған жол-көлік оқиғасы бойынша қылмыстық іс қозғалып, оқиғаның барлық мән-жайын анықтау үшін қажетті тергеу әрекеттері жүргізілуде", - деп хабарлады ведомство өкілдері.

Жүк көлігінің жүргізушісі уақытша ұстау изоляторына қамалды.

"Полиция департаменті жол қозғалысына қатысушылардың бәрін жол ережесін қатаң сақтауға, жылдамдықты асырмауға және жолда барынша мұқият болуға шақырадыә, - деді тәртіп сақшылары.

Посмотреть эту публикацию в Instagram

Публикация от НОВОСТИ АКТОБЕ | INFO AQTOBE (@info_aqtobe)

Мәтіннен қате тапсаңыз,бізге жазыңыз