Астана-Петропавл тасжолында жол апатынан екі адам қаза тауып, сегіз адам зардап шекті

Ақмола облысында шағын автобус пен жүк көлігі соқтығысты – қаза болғандар мен зардап шеккендер бар, деп хабарлайды өңірлік ПД-ға сілтеме жасаған KAZ.NUR.KZ.

Ақмола облыстық полиция департаменті баспасөз қызметінің мәліметінше, қайғылы оқиға кеше, 10 тамызда Астана-Петропавл автожолының 97-шақырымында болған. Жол апатына Mercedes-Benz Sprinter және ГАЗ 53 көліктері ұшыраған.

"Жол-көлік оқиғасы салдарынан Mercedes-Benz Sprinter көлігінің екі жолаушысы оқиға орнында қаза тапты. Сол көліктің жеті жолаушысы мен ГАЗ 53 көлігінің бір жолаушысы әртүрлі дене жарақатымен медициналық мекемеге жеткізілді", - деп нақтылады полиция.

Қазіргі уақытта сотқа дейінгі тергеу амалдары жүргізіліп жатыр, оның нәтижесі бойынша процессуалдық шешім қабылданады.

"Mercedes-Benz Sprinter көлігінің жүргізушісі ұсталып, уақытша ұстау изоляторына қамалды", - деп қосты облыстық ПД өкілдері.

Әлеуметтік желілерде оқиға куәгерлері түсірген видео жарияланды.

Посмотреть эту публикацию в Instagram

Публикация от Кокшетау | Казахстан (@kokshetau_mir)

Мәтіннен қате тапсаңыз,бізге жазыңыз