Қостанай облысында мотоциклші жүк көлігімен соқтығысып көз жұмды

Қостанай облысында ауыр жол-көлік оқиғасы тіркелді. Салдарынан мотоциклші қайтыс болды, деп хабарлайды Kazinform.

Агенттіктің мәліметінше, қайғылы жағдай Қостанай облысындағы Семилетка ауылының маңында, КАЗ-19 автожолында болған. Полиция деректері бойынша, "КамАЗ" жүк көлігі мен мотоцикл соқтығысқан.

Жол-көлік оқиғасы салдарынан мотоциклші алған жарақаттарынан оқиға орнында көз жұмды.

""КамАЗ" жүргізушісі маневр жасау кезінде қауіпсіз екеніне көз жеткізбей, мотоциклмен соқтығысқаны анықталды. Аталған факті бойынша полиция тергеу амалдарын бастады", - деді Қостанай облысы полиция департаменті бастығының орынбасары Аманжол Байзақов.

Полиция жол қозғалысына қатысушыларға жол жүру ережелерін қатаң сақтау қажеттігін еске салды.

Мәтіннен қате тапсаңыз,бізге жазыңыз