Абай облысындағы жол апаты: қаза тапқандар арасында ТЖД қызметкерлері бар

Абай облысындағы Семей – Курчатов тасжолында болған жол-көлік оқиғасынан төрт адам көз жұмды. Олардың арасында Төтенше жағдайлар департаментінің қызметкерлері бар, деп хабарлайды KAZ.NUR.KZ.

Абай облыстық ТЖД мәліметінше, 2026 жылғы 26 тамызда сағат 15:30 шамасында ведомствоға жол апаты туралы хабарлама түскен.

Оқиға салдарынан төрт адам қаза тапты. Олардың ішінде өңірлік ТЖД-ның екі қызметкері бар.

"Департаменттің жеке құрамы мен басшылығы қаза тапқандардың отбасына, туыстары мен жақындарына қайғырып көңіл айтады. Бұл – ауыр қайғы және орны толмас қаза.

Департамент қаза тапқан қызметкерлердің отбасына қажетті көмек пен қолдау көрсетіп жатыр және оны жалғастыра береді", - деп атап өтті ведомствоның баспасөз қызметі.

Қазіргі уақытта Абай облыстық ТЖД болған оқиға бойынша қызметтік тергеуді бастады.

Оның нәтижесі бойынша лауазымды тұлғалардың әрекеттеріне объективті баға беріледі.

Мәтіннен қате тапсаңыз,бізге жазыңыз