Екі Cobalt соқтығысты: Жетісу облысында жол апатынан 6 адам қаза тапты (видео)

Жетісу облысындағы Сарыөзек – Көктал тасжолында жантүршігерлік жол апаты болды. Салдарынан алты адам көз жұмды. Оқиға орнынан түсірілген видео әлеуметтік желілерде тарады, деп хабарлайды KAZ.NUR.KZ.

Жетісу облыстық полиция департаментінің мәліметінше, Сарыөзе-Көктал автожолының 110-шақырымында екі Chevrolet Cobalt көлігі соқтығысқан.

"Алдын ала мәлімет бойынша, көліктердің бірінің жүргізушісі қарсы бағытқа шығып кеткен. Соның салдарынан қарсы келе жатқан көлікпен соқтығысқан", - делінген хабарламада.

Жол апатынан алты адам оқиға орнында қаза тапты. Тағы бір адам әртүрлі дене жарақатымен медициналық мекемеге жеткізілді", - деп хабарлады ведомство.

Аталған факті бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған сотқа дейінгі тергеу амалдары жүргізіліп жатыр.

Полиция қаза тапқандардың туыстары мен жақындарына көңіл айтады.

Посмотреть эту публикацию в Instagram

Публикация от ТАЛДЫКОРГАНЕЦ. Кайрат Абдрахман (@taldykorganec.insta_)

Мәтіннен қате тапсаңыз,бізге жазыңыз