Көкшетауда ер адамды қағып, оны ауыр халде жол бойына тастап кеткен жүргізуші ұсталды

Көкшетауда жаяу жүргіншіні қағып кетіп, оқиға орнынан бой тасалаған жүргізуші жедел түрде ұсталды. Бұл туралы Ақмола облысы полиция департаментіне сілтеме жасаған KAZ.NUR.KZ хабарлады.

Ведомство баспасөз қызметінің мәліметінше, Көкшетауда полицейлер жаяу жүргіншіні қағып кеткен күдіктіні тез арада анықтап, ұстады.

Жол-көлік оқиғасы 19 қазанда Тәшенов көшесінде болды. Volkswagen Vento көлігінің жүргізушісі 48 жастағы ер адамды қағып кеткен. Алған жарақаттары салдарынан жаяу жүргінші оқиға орнында қайтыс болды.

Жүргіншіні қағып кеткеннен кейін көлік жүргізушісі оқиға туралы жедел қызметтерге хабарламай, оған көмек көрсетпеген.

Күдіктіні жедел іздестіру

Күдіктіні жедел іздестіру үшін Көкшетау полиция басқармасының жеке құрамы, сондай-ақ облыс орталығы маңында қызмет етіп жатқан патрульдік экипаждар бағытталды. Қабылданған шаралар ер адамның тұрған жерін анықтауға және оны тәулік ішінде ұстауға мүмкіндік берді.

Жол-көлік оқиғасы бойынша сотқа дейінгі тергеу амалдары жүргізілуде, оқиғаның мән-жайы анықталып жатыр.

Мәтіннен қате тапсаңыз, бізге жазыңыз