Бір адам қаза тапты, екеуі ауруханада: Ақмола облысында жолдағы жұмысшыларды көлік қағып кетті

Ақмола облысында жол-көлік оқиғасы салдарынан бір адам қаза тапты, тағы екеуі ауруханаға түсті. Бұл туралы KAZ.NUR.KZ өңірдің полициясына сілтеме жасап хабарлайды.

Ақмола облысы Полиция департаменті баспасөз қызметінің мәліметінше, жол-көлік оқиғасы 23 қазанда Астана – Атбасар – Жақсы автожолының 163-километрінде тіркелді.

"Chery Arrizo 8 автокөлігін басқарған жүргізуші жолдың көлік жүретін бөлігінде жарық қайтаратын кеудешесіз жүрген жол ұйымының үш жұмысшысын қағып кетті", - деді полиция өкілдері.

Жол-көлік оқиғасы салдарынан бір жұмысшы оқиға орнында қаза тапты, екеуі медициналық мекемеге жатқызылды.

Факті бойынша полиция тергеу жұмыстарын жүргізіп жатыр.

Мәтіннен қате тапсаңыз, бізге жазыңыз