Қарағанды облысында жүк көлігі мен жолаушылар пойызы соқтығысты (видео)

Қарағанды облысында жүк көлігі жолаушылар пойызының жолына шығып кеткен. Полиция аталған жайтқа пікір білдіріп, оқиға салдарынан ешкім зардап шекпегенін хабарлады, деп жазады KAZ.NUR.KZ.

Жүк көлігі мен жолаушылар пойызының соқтығысқан сәтінің видеосын Telegram-дағы Halyqstan арнасы жариялады.

KAZ.NUR.KZ тілшісіне Қарағанды облысы ПД өкілдері 24 қазанда Қарағанды облысы Шет ауданындағы реттелмейтін теміржол өткелінде Shacman жүк көлігі мен жолаушылар пойызы соқтығысқанын хабарлады.

"Алдын ала мәлімет бойынша, жүк көлігінің 53 жастағы жүргізушісі теміржолдан өту қауіпсіз екеніне көз жеткізбестен, пойызбен соқтығысқа жол берген, - делінген хабарламада.

Оқиға салдарынан ешкім зардап шекпеген.

Аталған дерек полицияда тіркелді. Оқиғаның мән-жайы анықталып жатыр.

Мәтіннен қате тапсаңыз, бізге жазыңыз